«ҚАЗАҚМЫС» КОРПОРАЦИЯСЫ»
ТЕХНОЛОГИЯЛЫҚ КОЛЛЕДЖІ» ЖММ
ХАЛЫҚАРАЛЫҚ СЫБАЙЛАС
ЖЕМҚОРЛЫҚҚПЕН КҮРЕС КҮНІНЕ
АРНАЛҒАН “АДАЛДЫҚҚА ҰМТЫЛУ“ҚАЛАЛЫҚ БАЙҚАУЫ
2022 жылғы 07 Желтоқсанда “Қазақмыс “Корпорациясының Технологиялық колледжі” ЖММ- де Халықаралық сыбайлас жемқорлыққа қарсы күрес күніне арналған “Адалдыққа ұмтылу” қалалық байқауы өтті.
Байқаудың негізгі мақсаты-оқушылардың сыбайлас жемқорлыққа қарсы дүниетанымы мен құқықтық сауаттылығын қалыптастыру, қазіргі қоғамның мәселелеріне қызығушылық, белсенді азаматтық ұстанымның қалыптасуы болды.
Қаламыздың колледждерінің студенттері атап айтқанда:”Қазақмыс “Корпорациясының Технологиялық колледжі” ЖММ, “Денсаулық” колледжі ЖММ және Сәтбаев индустриалды колледжі КММ сыбайлас жемқорлыққа қарсы бағытталған флешмобты көрсете отырып, креативті форматта өнер көрсетті. Сайыста қатысушылар би билеп , ән орындап, қазақтың халық музыкалық аспабы-домбырада ойнап сыбайлас жемқорлыққа деген теріс ниеттерін білдірді.
Шақырылған қонақтардың қатарында Сәтбаев қаласының әкімдігінің өкілдері, ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаментінен, Қоғамдық кеңес, Сәтбаев қалалық мәслихаты және бұқаралық қалалық ақпараттық-түсіндіру тобының лекторы болды:
- Мәдиева Марал Сағынайқызы – «Қоғамдық кеңес» төрағасы, Мемлекеттік қызмет ардагері, қалалық ақпараттық түсіндіру тобының лекторы
- Қонысбай Нұрлат Аманбайұлы – Сәтбаев қаласының ішкі саясат бөлімінің сектор меңгерушісі
- Дүйсенбина Ботакоз Аманжоловна – ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаменті кадр жұмысын ұйымдастыру тобының аса маңызды істер жөніндегі офицері.
- Мухамбетгалиева Шолпан Сафарбековна – Сәтбаев қалалық мәслихатының депутаты, қалалық ақпараттық түсіндіру тобының лекторы.
- Сейтпеков Дәулет Муратбекұлы – “AQSHAM” телеарнасының коммерциялық директоры, сыбайлас жемқорлыққа қарсы іс-қимыл жөніндегі қалалық ақпараттық-түсіндіру тобының лекторы.
Іс-шараның қорытындысы бойынша шақырылған өкілдер арасынан құзыретті қазылар алқасы жеңімпаздарды анықтады:
I орын – “Қазақмыс” корпорациясының Технологиялық колледжі”ЖММ;
I орын- КММ Сәтбаев индустриалды колледжі.
Жеңімпаздар мен қатысушыларға алғыс хаттармен мен сыйлықтар табысталды.