29.04.2022 ж. Сәтбаев қаласының Білім бөлімі мен ЖМ «Қазақмыс» корпорациясының Технологиялық колледжі» бірлескен кестесіне сәйкес 13 орта мектептің 9 сынып оқушылары үшін келесі мамандықтар бойынша кәсіби сынамалар өткізілді:
- 07130700 Электромеханикалық жабдықтарға техникалық қызмет көрсету, жөндеу және пайдалану (түрлері және салалары бойынша), біліктілігі «Техник-электромеханик» /қазақ тілінде/ ;
-07240200 Маркшейдерлік ісі,
біліктілігі «Топографиялық-геодезиялық және маркшейдерлік жұмыстардағы өлшеуші», Маркшейдерлік жұмыстардағы тау-кен жұмысшысы», «Техник-маркшейдер» /қазақ тілінде/;
- 07140100 Технологиялық процестерді автоматтандыру және басқару (профиль бойынша), біліктілігі оқытатын «Техник-электромеханик» /орыс тілінде/;
- 05320100 Геологиялық түсіру, пайдалы қазбаларды кен орындарын іздеу және барлау (түрлері бойынша), біліктілігі «Геологиялық жұмыстардағы жұмысшы», /орыс тілінде/ «Техник-геолог».
Студенттік Парламент фракциясының өкілдері оқушыларға колледждің қоғамдық өмірі, фракцияның жұмысы туралы айтып берді, одан кейін мектеп оқушылары дәрісханаларға барып, болашақ мамандықтары туралы ақпарат алды.
Арнайы пәндер бойынша жетекші оқытушылары Нурмухамбетова А.А., Коресендович К.Е., Сагимбекова Г.Р., Какимжанова Г.А., Ондыбаева М.С., Ахметова Г.Д. теоретикалық бөлімді мәлімдеп, әрбір біліктілік бойынша практикалық бөлігін көрсетті. 2 курс студенттері белсене қатысып, слесарлық-механикалық шеберханадағы станоктарда жұмыс көрсетті, бұл оқушылардың үлкен қызығушылығын тудырды. Мектеп оқушыларына оқу полигонының тәлімгерлері техникамен таныстырып қызығушылақтарын арттырды. «Пневмоавтоматика және электромеханика», «Тау-кен машиналары», «Электротехника және КЭЭЖ» зертханалар оқушыларға болашақ мамандықтарын анықтауларына мүмкіндік берді. Кәсіби сынамаларды оқытушылар, оқу полигонының тәлімгерлері және ГМ-21 және ТР-21 топтарының 2 курс оқушылары ұйымдастырды. Кәсіби сынамада алынған мәлімет мектеп оқушыларының мамандық таңдауын қалыптастырады. Ол мамандықтар әлемі туралы білімді біріктіреді, таңдалған кәсіби қызмет түрінің ерекшеліктерін қабылдауға психологиялық тұрғыдан дайындайды, оқушының жеке қасиеттерінің мамандық талаптарына сәйкестігін, таңдалған кәсіби қызмет саласына қатынасын практикалық тексеруді жүзеге асырады. Өткізілген кәсіби сынамалардың қорытындысы ретінде оқушылар ұсынылған мамандықтарға қызығушылық танытып, мамандық таңдауда дұрыс шешім жасайды деп санауға болады.